火鍋英雄．秋風起，打邊爐喇喂！（已結業）

10月24日,2017
作者 MrMrsFoodHK
發佈於人氣食店

(3 票)

【特色餐廳】【銅鑼灣美食】雖則火鍋店一年四季都受歡迎，但近日天氣開始涼，更有打邊爐、燒烤的興致！位於銅鑼灣的火鍋英雄主打重慶火鍋，不論環境、食物、服務都很有質素，鐘意重慶火鍋的朋友可以一試地道風味。

更多最新「人氣食店」文章： » LAYER’S Cafe & Pancakes．本土班戟專門店｜九龍城甜品店 » 玩具屋．猶如置身日本的居酒屋｜天后日本餐廳 » Sick Burger．銅鑼灣漢堡新勢力 » BE LEAF．觀塘人氣峇里度假風餐廳 » 2024深水埗必食．吃得精才是王道｜5大深水埗必吃美食！

京都廣場全棟大廈都有唔少食肆，火鍋英雄位於3樓，午市除左供應火鍋，仲有麵食、套飯，所以平日午市亦有不少上班族。餐廳佔地頗廣，以卡座為主，座位間空間感足，以屏風相隔，可以隨時變身大枱，適合大班朋友聚會，坐得舒適。

火鍋英雄裝潢花過唔少心思，帶中國風，牆上掛左唔少字畫。枱面上已有餐具、紙巾及圍裙，更令我印象深刻係圍裙上嘅橡根圈，剛好我用得著，以免整污糟頭髮。

火鍋英雄餐牌供應多款涼菜、小食，湯底方面主打酸菜魚、田雞鍋、魚頭鍋、水雞鍋等，當然唔少得重慶麻辣鍋、花雕醉烏雞鍋等接近20款。火鍋英雄配料選擇多樣，定價中上，有海鮮、豬牛羊雞肉、丸餃、蔬菜、粉麵等，整體都十分有水準。

英雄八盞及醬料 $18/位

英雄八盞指嘅係涼菜，分別有涼拌青瓜、木耳、蓮藕粒、豆乾、四季豆、海帶、芽菜、花生，一般火鍋店淨係醬油花生都收十幾廿蚊位，個人認為呢八小碟幾有誠意呢。調料自取，陣容鼎盛，除左普通辣椒醬油蒜蓉，仲有白芝麻、榨菜末等。
火鍋英雄

二十五年陳年花雕醉烏雞鍋拼養生野山菌湯 $188

一上枱已經聞到好香花雕酒味，湯底非常足料，容易入口，除左有半隻烏雞，仲有紅棗、杞子、桂圓、黨參等材料，清潤滋補不油膩，缺湯水嘅我地覺得好滿意，忍唔住飲左幾碗。烏雞肉多，淥完都保持嫩腍。野生菌鍋底相對下淡，但一樣多料，裡面有大量菇菌。
火鍋英雄

本地手切肥牛頸脊 $268/小

牛頸脊即時手切，厚身起雙飛，非常新鮮，肥瘦均勻，食落牛味濃郁，嫩腍有帶嚼勁，一分錢一分貨。
> 火鍋英雄

西班牙黑豚肉 $108

豚肉片整齊擺放，厚薄適中，唔需要淥好耐，入口爽脆不肥膩，連平時唔係太喜好豚肉嘅我都食左唔少。
火鍋英雄

新鮮鵝腸 $98

鵝腸清理乾淨，新鮮爽口，不過未至於好肥美。
火鍋英雄

手打鮮蝦滑 $68

蝦滑份量同一般火鍋店無差，食落爽口彈牙。
火鍋英雄

酥炸響鈴 $48

響鈴細細一條，比較幼身，即時炸起，入口酥脆。
火鍋英雄

鴨血 $38

鴨血一大份，入口滑溜。
火鍋英雄

秋葵 $28

平時比較少喺火鍋店見到秋葵，淥過嘅秋葵都幾入味。

四川紹粉 $28

比起薯粉，紹粉比較粗身，有啲似平時食嘅河粉，淥完之後呈半透明，食落黏身，冇薯粉咁爽，但一樣好煙韌，如果配上麻辣鍋相信會更加正。

洛神花茶、鮮蘆薈 $28

火鍋英雄環境舒適，食物質素挺高，我地點嘅配料基本上都好新鮮對辦，服務方面亦值得一讚，店員細心有禮，主動加水、換碟、走油。

最後修改於 10月9日,2020

立即 FOLLOW @GetReadyHongKong，緊貼全港郊遊玩樂、品味生活、人氣美食資訊！
Facebook @GetReadyHongKong
Instagram @GetReadyHongKong
廣告查詢：Advertising @ GetReadyHK.com
傳媒聯絡：Press @ GetReadyHK.com

火鍋英雄．秋風起，打邊爐喇喂！（已結業）

查看地圖

地址: 銅鑼灣駱克道491-499號京都廣場三樓
開放時間: 星期一至日11:30 - 00:00
交通資訊: 港鐵銅鑼灣站 C 出口, 步行約1分鐘
電話號碼: 2693 1128