Cha Bei．夢幻般的Afternoon Tea Set

MrMrsFoodHK今次就試左Cha Bei嘅二人下午茶。 Cha Bei位於澳門銀河1樓，佔地幾千呎，裝潢極具少女心，就算唔幫襯，都可以影番幾張相。


咖啡廳設有超大型甜品櫃，旁邊一塊大玻璃更加可以讓客人欣賞到甜品師製作過程。


Cha Bei門外陳列唔少甜點，作為手信，包裝都相當靚。


Cha Bei門口呢個位相信就係打卡熱點。


餐廳空間感足，位置舒適。
Cha Bei嘅下午茶Tea Set每日兩點半後供應，分別有兩個選擇：縱情享受 $328、繽紛狂想曲 $528，定價為兩人份。

事前我睇過唔少食後感，都表示佢地嘅下午茶「得個樣」，唔飽肚。但由於咖啡廳太靚，我都自行腦補過後，我都堅持要男朋友陪我去試下，我地揀左較便宜嘅一款。

縱情享受 $328/兩位

Cha Bei這款Tea Set有鹹點四款、甜點八款，加上鬆餅、瑪德蓮，飲品，配合環境、服務、食物質素，我認為定價合理。店員首先送上歡迎茶，係熱紅棗茶，味道香濃，飲完有暖和感。


餐飲方面，可選茗茶、熱朱古力或咖啡。茗茶分綠茶、紅茶、烏龍、白茶及花草茶，選擇不少。

皇后伯爵茶

以壺上嘅伯爵茶，茶具非常精緻，飲落帶香而不濃，因為呢款伯爵茶混合清酒、花橙、佛手柑嘅成分。


可可豆所用亦係頂級朱古力品牌，熱朱古力分三種濃度：35%白朱古力、66%黑朱古力、80%黑朱古力

Caraïbe 黑朱古力 66%

朱古力味好香濃，帶少少苦澀，可按喜好加入淡奶，更加幼滑。


Cha Bei Tea Set的主角以珠寶盒形式展現，有鹹點四款、甜點八款，加上鬆餅、瑪德蓮，夠少女吧！眼見在場各位女士都舉起手機影相，我都唔執輸，影番三五七打照片。


鹹點以三文治、麵包為主，用料都幾特別，有牛油果、松露磨菇、煙三文魚等，整體味道不錯，尤以松露磨菇酥味道最好！
雖然聽過唔少人表示Cha Bei嘅甜點一般，可能我冇乜期望去到，又覺得比想像中好呢。甜品賣相精美，用料特別就稱唔上，都係比較大路嘅材料，就連男朋友都覺得味道唔差。

甜點配合珠寶盒嘅主題，有戒指造型嘅嘴唇朱古力、馬卡龍。


加上最後嘅烤瑪德蓮、英式乾果鬆餅，其實都飽肚。特特別一提香蕉熱情果醬、雜莓醬配合鬆餅，味道不錯。


整體黎講，我地覺得Cha Bei嘅下午茶味道不俗，可能好多評價都係開業初期，相信試業一段時間，食物已水準已經穩定落黎。

個人認為價錢合理，配合環境，加上店員服務親切、有禮，都好值得一試。見到旁邊兩位客人點嘅係「繽紛狂想曲下午茶」，價錢貴一點點，食物更豐富呢！

P.S.不得不提Cha Bei仲有個COOL到爆嘅洗手間！

立即 FOLLOW @GetReadyHongKong，緊貼全港郊遊玩樂、品味生活、人氣美食資訊！
Facebook @GetReadyHongKong
Instagram @GetReadyHongKong
廣告查詢：Advertising @ GetReadyHK.com
傳媒聯絡：Press @ GetReadyHK.com