Black Party 黑色派對．VR打喪屍再夾公仔
Black Party黑色派對位於九龍灣，裝潢色調是否夠black就見仁見智，但Party Room內林林總總的玩物，相信能讓一班取向各異的朋友們各適其適，在Black Party黑色派對享受一個good party。無論你是想走在潮流尖端大玩VR；抑或童心未泯想回味夾公仔的滋味；還是只想躺躺坐坐在品味裝潢周邊打打卡，總能在Black Party HK裡得償所願。
星影匯．豪華貴賓影院
星影匯是位於九龍灣Emax的一間戲院。Emax位置真係有啲“山卡o拉”，令星影匯必須靠獨特賣點吸客。甚麼4K、全景聲都未夠，GetReady推介的是星影匯的VIP影院，除了靚聲靚畫面，更可以瞓喺張超大豪華皮坐位，一邊睇戲，一邊吃份有肉有飯有生果有嘢飲的豐富套餐。話就話有20個位，但係包場的機會都幾大，如此頂級享受要幾多錢？$220！晨早場$110，食蝦餃燒賣或者火腿炒蛋火腿餐一樣精彩！
Comic Park & Cafe．MegaBox動漫主題樂園餐廳（已結業）
Comic Park & Cafe位於九龍灣MegaBox，是間動漫主題樂園餐廳。佔地7000尺的Comic Park & Cafe有鐵甲萬能夾、幪面超人、咸旦超人等經典動漫角色陪你食、買、玩，一次過滿足你三個願望。建議大家先在Comic Park & Cafe的樂園內玩盡各項遊戲，跟著在cafe吃個豐富大餐，最後在精品部選購動漫精品，當然不要忘記和2米高的鐵甲萬能夾合照啦！
零碳天地．免費休憩綠化區
零碳天地是一個位於九龍灣的環保項目，如果你對環保科技有興趣的話，可以參加零碳天地室內展區導賞團，天天有團，可於網上預約。如果覺得太悶太深奧，零碳天地設有一個免費開放的超大休憩綠化區，就是一個在城市中的大公園，園內更設有cafe，拍拖或家庭樂都啱。
BOUNCE 彈床樂園 (已結業)
BOUNCE 彈床樂園最啱跳跳紮兼有大量energy既你。BOUNCE 彈床樂園來自澳洲，外國型男索女跳到出神入化，現在BOUNCE 彈床樂園殺到來香港，為大家帶來呢項人人啱玩、唔怕曬，好玩又夠cool的運動。配合強勁的音樂節拍，真係越jump越high！
